Pas ndeshjes së djeshme që ka zhvilluar Paris-Saint-Germain, lojtari Di Maria ka thënë se ka një shans të madh që Lionel Messi të transferohet në
klubin parisien.

Më pas ka ardhur edhe reagimi i trajnerit të Barcelonës, Ronald Koeman, i cili u thotë lojtarëve të Parisit që të tregojnë respekt për Lionel Messin përderisa ai është lojtar i Barcelonës.

"Sipas mendimit tim, Di Maria ka treguar mungesë të respektit", tha Koeman pas fitores së Barcelonës ndaj Granadas.

"Nuk është e drejtë të flasësh për dikë i cili vazhdon të jetë lojtar i Barcelonës. Është e gabueshme një qasje e tillë: vetëm sa mund të rris tensionet për ndeshjen e Ligës së Kampionëve", u shpreh ai.

Muajin e kaluar u raportua se katalanasit janë ‘mërzitur’ nga ‘strategjia e presionit publik’ të Paris Saint-Germain ndaj Messit për ta joshur atë të transferohet në Parkun e Princave.

Drejtori sportiv i PSG Leonardo, trajneri i tyre Mauricio Pochettino dhe disa lojtarë kanë folur në lidhje me interesin e parisienëve për kapitenin e Barçës gjatë javëve të fundit.