Kovac me dhimbje koke, Alcantara dëmton ligamentet e gjurit
Bayern Munichu ka marrë lajme negative nga stafi mjekësor, pasi që Thiago Alcantara do të mungojë 4 deri në 6 javë.

Futbollisti spanjoll u largua nga ndeshja e Kupës ndaj skuadrës inferiore Rodinghausen të martën.

Kështu janë shtuar brengat e lëndimeve për Niko Kovac, kurse Bayerni ka konfirmuar në faqen zyrtare se lojtari ka të lënduar ligamentet e gjurit.

Tashmë Bayerni ka mbetur pa lojtarë të mjaftueshëm në mesfushë pasi disa javë më parë u lëndua edhe Corentin Tolisso.

Ish-mesfushori i Barcelonës ka luajtur 14 nga 15 ndeshjet e këtij sezoni, dhe u largua në minutën e 75-të pas një ndërhyrje.

Tolisso, Goretzka, Coman, Rboben, Boateng, Rafinha, Hummels, Ribery kanë qenë disa prej të lënduarve në ndeshjet e fundit.
Shtuar më 31/10/2018, ora 23:45
Shkruani komentin tuaj!
Të fundit nga kjo kategori