Krenar për Kombëtaren, ja kur kthehet në Shqipëri
Kombëtarja shqiptare e futbollit tashmë zyrtarisht ka mbyllur Evropianin e saj të parë.
Barazimi i hungarezëve 3-3 ndaj Portugalisë së Cristiano Ronaldos i ka shuar të gjitha shpresat që të luajmë të paktën edhe një ndeshje tjetër.

Kryeministri i Shqipërisë, Edi Rama, gjatë inspektimit të punimeve të stadiumit të ri kombëtar, u shpreh se në rast se Shqipëria nuk arrin të kualifikohet në turin e ardhshëm, atëherë lojtarët do të kthehen në Tiranë të enjten rreth orës 17:00.

“Nëse nuk do të ketë një kthesë rrënjësore dhe të mirëseardhur të fatit, kombëtarja nesër rreth orës 17:00 do të zbarkojë në atdhe dhe ne jemi të gjithë mëse të lumtur që ta mirëpresim duke ftuar të gjithë dashamirësit e kombëtares që e kanë të mundur të na bashkohen”, u shpreh Rama. /Albeu.com/


Shtuar më 22/06/2016, ora 20:30
Shkruani komentin tuaj!
Të fundit nga kjo kategori