Kryendeshja e javës në Serie A, Milan - Roma: Formacionet e mundshme
Natën e hënë luksoze në "San Siro". Kryesuesit e Milanit presin Romën në kryendeshjen e kësaj jave në Serie A. Pa spektatorë në tribuna, pa ato mijëra që mbushnin stadiumin në kësi përballjesh; në heshtjen totale të "Meazza", verdhekuqtë do të përpiqen të destabilizojnë "Djallin", deri tani i përsosur në këtë sezon. Vetëm fitore, edhe nëse njëra prej tyre me penallti, kundër Rio Ave.

Seria e rezultateve pozitive të Stefano Pioli për Milanin arriti në 21, me fitoren në "Celtic Park". Duke marrë më shumë pikë në shtëpi kundër ekipit të Paulo Fonseca, Ibra dhe shokët e tij do ta shtrinin pamposhtmërinë në 22 ndeshje radhazi. Në çdo rast, ata janë të sigurt për të ruajtur kryesimin e renditjes, të cilën në realitet e kanë arritur tashmë, pas ndeshjeve të tjera të fundjavës. Vetëm Atalanta dhe Sassuolo mund të bashkoheshin dhe t’i kalonin kuqezinjtë, përkatësisht.

Kundër Romës, Musacchio, Gabbia dhe Rebic do të mungojnë, ndërsa Calhanoglu do të kthehet. Ish-lojtari i Leverkusen do të aktivizohet që nga minuta e parë në rolin e tij ideal, atë të mesfushorit-sulmues, prapa pikës së referencës, Zlatan Ibrahimovic.

Me Calhanoglu, Saelemaekers dhe Rafael Leao, favorit ndaj Krunic do të nisë sfida në mesfushë; ndërsa Castillejo, Brahim Diaz dhe Hauge presin shansin e tyre nga stoli. Tonali, gjithashtu, mbetet jashtë, ngaqë ka hapësirë ??për Kessié dhe Bennacer. Në mbrojtje, para Gigio Donnarumma, gjen vend Calabria, pas pushimit europian. I paprekshmi Theo Hernandez në të majtë, si dhe Kjaer përkrah Romagnoli, në qendër të mbrojtjes.

Fonseca përgjigjet duke propozuar përsëri 3-4-2-1. Ai gjen Mancini në mbrojtjen me tre, së bashku me Ibanez dhe Kumbulla, duke pritur Smalling, që duhet të kthehet në “Europa League”. Santon ka më shumë shanse startimi se Bruno Peres, me Spinazzola në të majtë, Lorenzo Pellegrini dhe Veretout në qendër. "Tridenti" ofensiv përbëhet nga Mkhitaran dhe Pedro, në mbështetje të Dzeko. Jashtë Calafiori, Diawara, Pastore dhe natyrisht Zaniolo.

Formacionet e mundshme të Milano-Roma
MILAN (4-2-3-1): G. Donnarumma; Calabria, Kjaer, Romagnoli, Theo Hernandez; Kessié, Bennacer; Saelemaekers, Calhanoglu, Leao; Ibrahimovic.
ROMA (3-4-2-1): Mirante; Mancini, Ibanez, Kumbulla; Santon, Lo. Pellegrini, Veretout, Spinazzola; Pedro, Mkhitaryan; Dzeko.






Shtuar më 26/10/2020, ora 11:50
Shkruani komentin tuaj!
Të fundit nga kjo kategori