Në prag të ndeshjes së parë për turin e tretë eliminator në Europa League, ndaj Torpedo Kutaisit, ekipi i Kukësit ka dorëzuar edhe listën zyrtare në UEFA për këto takime.

Nga ajo që bie në sy, në ndryshim nga turet e kaluara, trajneri Cungu ka lënë jashtë liste brazilianin Roxher Xhunior Ferreira, i cili duket se nuk e ka bindur, dhe kështu, Kukësi numëron vetëm 22 lojtarë për takimin në Gjeorgji.

Ndërkohë, edhe pse sulmuesi i ri i verilindorëve, Mensah, ka dalë në stërvitje, ai nuk është përfshirë në këtë listë, duke qenë se nuk ka firmosur ende.

Lista e plotë

Portierë: Frashëri, Maloku, Basha

Mbrojtës: Shameti, Hoxha, Alla, Zguro, Qaqi, Rrumbullaku, Maliqi, Kordeiro

Mesfushorë: Shkodra, Ebipi, Çyrbja, Limaj, Musolli, Ethemi, Dzaria, Spehar

Sulmues: Plaku, Harba, Rexhinaldo