Në intervistën dhënë për Televizionin Shenja menjëherë pas takimit me drejtuesit e LDK-së, kryetari i Lëvizjes Vetëvendosje shprehet i bindur se edhe pas rinumërimit të vendvotimeve të kontestuara dhe pas ardhjes së votave nga diaspora, vetëm se do të thellohet fitorja e Lëvizjes Vetëvendosje me çka do të konfirmohet se ai do të jetë kryeministër i ardhshëm i Kosovës.

Bisedimet me Isa Mustafën dhe Vjosa Osmanin Kurti i sheh si shpresëdhënëse për formimin e qeverisë së re që do të kthejë sundimin e ligjit dhe do të forcojë shtetin.

Kreu i Vetëvendosjes njofton se janë dakorduar edhe për reduktimin e funksioneve në ekzekutiv për çka ai vlerëson se mjaftojnë vetëm 12 ministra dhe nga 2 zëvendës ministra për secilin.