Ky është plani i Barcelonës për të transferuar Neymar
Barcelona ka vendosur të aktivizojë një rregull të FIFA-s për transferimin e yllit të Paris Saint-Germain Neymar, sipas raportimeve.

Braziliani bëri një lëvizje të diskutueshme prej 222 milionë euro në kryeqytetin francez në 2017 pasi gjigantët e Ligue 1 paguan klauzolën e lirimit në kontratën e tij.

Neymar e bëri të qartë verën e kaluar se ai dëshironte të kthehej te gjigantët spanjollë dhe madje u mundua ta detyronte një transferim të tillë.

Të dy klubet nuk arritën zgjidhje mbi koston dhe Neymar mbeti në Paris, ku dëmtimet i kanë kufizuar paraqitjet e tij.

Por gjigantët katalanas janë gati të kthehen për nënshkrimin e tij këtë verë pasi punësuan avokatin belg Wouter Lambrech.

Sipas ESPN, detyra e tij do të jetë të shfrytëzojë një boshllëk transferimi që u bë i njohur si Rregullimi i Webster pas transferimit jashtëzakonisht të diskutueshëm të Andy Webster nga Hearts në Wigan Athletic në 2006.

Hearts kishin kërkuar 5 milionë euro për Webster, i cili kishte mbetur pa skuadër pas një mosmarrëveshje me pronarin e diskutueshëm të klubit Victor Romanov.

Webster bëri thirrje në nenin 17 të Fifës për të detyruar një transferim në Angli, sepse ai kishte shërbyer më shumë se tre vjet të kontratës së tij, ai ishte jashtë “periudhës së mbrojtur” të FIFA-s.
Shtuar më 24/03/2020, ora 09:33
Shkruani komentin tuaj!
Të fundit nga kjo kategori