Lazio "harron" shpejt humbjen me Udinesen me fitoren 1-2 ndaj Spezias falë dyshesh Immobile-Milnkovic-Savic, madje në shtesë bardhekaltërve iu anulua një gol për pozicion jashtë loje.

Ciro Immobile shfrytëzoi një pasim të Milinkovic-Savicit për të shënuar golin e parë që në minutën e 15-të. Sulmuesi i bardhekaltërve, edhe pse në një pozicion të prirët, e dërgoi topin poshtë këmbëve të portierit Provedal, 0-1.

Në minutën e 33-të, Lazio fitoi një goditje të lirë nga jashtë zonës, që e ekzekutoi në mënyrë perfekte Milinkovic-Savic, me portierit që thjesht shoqëroi me sy topin që tundi rrjetën. Ndeshja i rihap në minutën e 64-t nga Nzola, që pasi i krijoi vetes mundësi për të goditur, nuk i dha asnjë shans portierit veteran Reina.

Në minutën e dytë shtesë shënoi Pereira për Lazion, por ky gol u anulua për pozicion jashtë loje. Në këtë sfidë Strakosha ishte në stolin e rezervave, ndërsa Muriqi nuk ishte grumbulluar për arsye dëmtimi.