Lazio-Napoli, duel për Lampard
Frank Lampard është padyshim një prej idhujve të tifozëve të Chelsea që gjithsesi mund ta humbasin sezonin e ardhshëm. Mesfushori anglez që i skadon kontrata me blutë në fund të sezonit pëlqehet nga shumë klube në Angli por jo vetëm pasi në orët e fundit asgjenti i tij ka zbuluar se edhe klube italiane kanë shprehur interes për numrin 8 të Chelsea.

Pas Lazios edhe Napoli është future në listën e skuadrave që e dëshirojnë 35-vjecarin dhe fjalët e agjentit të tij Steve Kutner se Napoli është një skuadër e madhe dhe se Frank ka shprehur kënaqësi për një lëvizje të mundëshme drejt axurrëve nuk lënë shumë vënd për hapësira.

Ky ka qënë një mesazh i qartë për klubin e Aurelio De Laurentiis që është në kërkim të lojtarëve me eksperiencë për sezonin e ardhshëm të Champions League. Chelsea i ka refuzuar një rinovim të kontratës Lampardit që në fund të sezonit mund të largohet atje ku dëshiron me parametër zero.

I intervistuar nga mediat napoletane agjenti Kutner megjithatë ka pranuar se nuk ka filluar asnjë kontakt me drejtuesit e klubit italian.

Lampard në këtë sezon ka luajtur 23 takime me "Blutë" e Londtës duke shënuar edhe 12 gola. /albeu.com/
Shtuar më 09/04/2013, ora 15:45
Shkruani komentin tuaj!
Të fundit nga kjo kategori