Leonardo pranë largimit, Milani hedh sytë nga Franca
Leonardo është në ditët e tij të fundit si drejtor sportiv i Milanit. Merkatoja e dështuar e kuqezinjve ka sjellë vendimin për shkarkimin e brazilianit. Akoma nuk është zyrtarizuar asgjë, por është thjesht çështjë kohe.

Milani shpenzoi një shifër prej gati 200 milionë euro në merkato, por pa asnjë rezultat. Ashtu si vitet e fundit, vazhdojnë të lundrojnë në ujërat e Europa League. Kampionati nuk është mbyllur ende, por shancet që Milani të shkojë në Champions janë minimale.

"La Gazzeta dello Sport" raporton se Milani e ka gjetur drejtorin e ri në Francë. Ai është Luis Campos, drejtori i Lille. Portugezi ka bërë një punë të madhe në ekipin francez. Edhe pse më një buxhet jo shumë të madh, Lile këtë vit është renditur e dyta direkt pas gjigantëve të PSG.

Këtë sezon ata kanë shënuar një përmirësim të jashtëzakonshëm, pasi në kampionatin e kaluar ata i kanë shpëtuar për pak rënies një kategori më poshtë. Në këtë revolucion tepër produktiv është i pamohueshëm kontributi i dhënë nga Luis Campos. 54-vjeçari do e pëlqente shumë një lëvizje në një klub të madh si Milani. /albeu.com/

Shtuar më 21/05/2019, ora 20:05
Shkruani komentin tuaj!
Të fundit nga kjo kategori