Letra e lamtumirës së djalit të Reyes: E di se do të kujdesesh për mua nga parajsa, të dua (FOTO LAJM)

Jose Antonio Reyes Lopez, i ka dhënë lamtumirën babait të tij, ish-futbollistit të Spanjës, Real Madridit dhe Arsenalit, Jose Antonio Reyes, përmes një letre emocionale në rrjetin social Instagram.

Ish-ylli i Real Madridit, Atletico Madridit, Sevillës, Espanyolit dhe Arsenalit vdiq në një aksident rrugor tragjik të shtunën në mëngjes.

'Ky është momenti i fundit që ne e kaluam së bashku, baba”, shkroi Jose Antonio Reyes Lopez, i cili luan futboll në akademinë e Leganes.

"Atë ditë (kur u shkrep fotoja), ju më dhatë një këshillë siç gjithmonë e ke bërë, por sot, ti nuk u ktheve më dhe për mua është një ditë e rëndë”, shtoi ai,

"Gjithmonë do të jem shumë krenar me ty baba. Ne nuk e kemi kaluar tërë kohën tonë së bashku, por vetëm ti dhe unë e dimë se sa shumë e donim njëri-tjetrin. E di që ti do të kujdesesh për mua nga parajsa dhe unë kurrë nuk do të të harroj”, shkroi ai.

"Të dua, baba', theksoi ai.
Shtuar më 02/06/2019, ora 15:49
Shkruani komentin tuaj!
Të fundit nga kjo kategori