Liverpool do Avdijajn, nisin bisedimet me Schalken
Donis Avdijaj së shpejti mund të ndërrojë ekip. Talenti shqiptar i Schalke 04 po monitorohet nga klubi i famshëm anglez Liverpool. Sipas asaj që raporton "Sky Sport", interesimin e klubit nga "Anfield Road" e ka konfirmuar edhe menaxheri Horst Heldt.

Shqiptari ka kontratë me klubin nga Gelsenkirchen deri ne vitin 2019, ndërsa klauzola për lirimin e tij është 48 milionë euro.

Nuk dihet ende nëse Liverpool do të paguajë shifrën e mësipërme për prishjen e kontratës së lojtarit me Schalken, apo do ketë negociata mes dy klubeve për gjetjen e një të mesmeje të përbashkët. Kjo e dyta ka më shumë gjasa nisur edhe nga "çapkënllëqet" e Avdijajt gjatë ditëve të fundit ku karamboloi makinën e tij sportive gjatë një gare të paligjshme makinash. /albeu.com/



Shtuar më 31/10/2014, ora 14:04
Shkruani komentin tuaj!
Të fundit nga kjo kategori