Lopetegui flet pas shkarkimit: Jam shumë i trishtuar
Pëlqej
Julen Lopetegui u shkarkua nga detyra e trajnerit të Spanjës ditën e sotme, për faktin se ai nuk e kishte njoftuar presidentin e Federatës për kontratën e re që nënshkroi një ditë më parë me Real Madridit.

“Jam shumë i trishtuar, por kemi një skuadër të mrekullueshme dhe shpresoj që të fitojmë Botërorin”, tha Lopetegui për mediat spanjolle që po e prisnin në aeroportin e Krasnodarit, nga ku do të niset për në Madrid.

Presidenti i RFEF-së, Luis Rubiales e argumentoi vendimin për largimin e Lopeteguit me mënyrën se si trajneri arriti marrëveshjen me Real Madrid.

“Negociatat janë zhvilluar pa asnjë dijeni nga Federata, që e mësoi vetëm 5 minuta para konferencës për shtyp. Ka një mënyrë të të vepruarit dhe Lopetegui nuk e zbatoi”, ka deklaruar Rubiales .

Tashmë, Spanja do të drejtohet në Botëror nga Fernando Hierro, i cili kishte detyrën e drejtorit teknik te kombëtarja. /albeu.com/
Shtuar më 13/06/2018, ora 18:45
Shkruani komentin tuaj!
Të fundit nga kjo kategori