Luciano Moggi, ish-drejtori i Juventusit dhe Partizanit, ka folur në lidhje me çështjen e nxehtë te Interi, "Icardi". Pasi ka dëgjuar konferencën e Luciano Spallettit, trajnerit zikaltër, që shpërthehu dhe nuk u përmbajt në lidhje me argjentinasin dhe situatën delikate, Moggi ka reaguar: "Ajo që ka thënë Spalletti tregon se dhomat e zhveshjes, pra përkthyer futbollistët e Interit, nuk e duan Icardin. Mendoj se Interi ka një problem të madh.

Trajneri ka thënë se nuk dëshiron të humbë fytyrën me futbollistët. Pra, e përkthyer do të thotë që futbollistët nuk e duan Icardin. Ai dhe e shoqja ishin të qetë duke ndjekur ndeshjen. Por, nëse te Interi vazhdohet kështu, do të humbasin vendin e tretë dhe të katërt më pas, duke qëndruar jashtë Champions...".

Por, çfarë do të ndodhë me të ardhmen? "E ardhjma e Spallettit do të varet nga Champions. Sa i përket Icardit, më rastisi një situatë e njëjtë kur isha te Napoli dhe kur kontestonin Bianchin. Unë hoqa qafe ato që kontestonin Bianchin". /albeu.com/