Manchester United humbet shumën e majme nga "Adidas" nëse nuk kualifikohet në Ligën e Kampionëve
Manchester United mund t’i humbë 30 milionë euro nga marrëveshja me adidasin nëse nuk kualifikohen në Ligën e Kampionëve për edicionin 2020/21.

Djajtë e Kuq janë aktualisht në vendin e pestë me 59 pikë, aq sa ka edhe Leicesteri në të katërtin.

Por, nëse skuadra që drejtohet nga Ole Gunnar Solskjaer nuk ia arrin qëllimit, atëherë ata do të humbin 33 për qind të shumës nga marrëveshja me markën e njohur botërore.

Manchester United ka edhe tri ndeshje deri në fund për të realizuar këtë qëllim, derisa mund të kalojnë edhe Chelsean që ka 63 pikë në vendin e tretë.

Deri në këtë javë, United e kishte si të sigurt Ligën e Kampionëve nga vendi i pestë, për shkak të dënimit të UEFA-s ndaj Manchester Cityt, por që u rrëzuar nga Gjykata e Arbitrazhit në Futboll (CAS).

Solskjaer që ende nuk di për humbje në 18 ndeshje në të gjitha garat, do të tentojë të bëjë më të mirën dhe të kualifikohet në Ligën e Kampionëve
Shtuar më 15/07/2020, ora 09:59
Shkruani komentin tuaj!
Të fundit nga kjo kategori