Roberto Mancini mund të rikthehet te Interi nëse klubi italian vendosë ta shkarkojë trajnerin aktual Walter Mazzarri.

Mazzarri ka marrë mbështetjen e presidentit Erick Thohir pas fitores 1-0 në Cesena, që i dha fund një serie të rezultateve të dobëta.

Megjithatë miliarderi indonezian po ashtu ka paralajmëruar se trajneri do të rivlerësohet në dy ndeshjet e ardhshme.

Sipas Gazzetta dello Sport, fjalët e Thohir shërbejnë si ultimatum për Mazzarrin, dhe nëse atij i tregohet dera, Mancini raportohet se është i pari në listë për ta zëvendësuar atë.

Opsion për Nerazzurrët është edhe ish-menaxheri i Evertonit dhe Manchester United, David Moyes.