Roberto Mancini rikthehet të flasë për Mario Balotellin me pak nota nostalgjie. Tekniku i Manchester City, skuadra e të cilit e sheh veten 15 pikë pas "kushërinjve" të United që janë me një dorë te titulli, "qan" bomberin e Milan dhe mbi të gjitha golat e tij.

"Mario sezonin e shkuar me ne shënoi 15 gola: diferenca me golat që kemi shënuar në këtë sezon është pikërish këtu. Kemi shënuar të paktën 20 gola më pak. Gjatë këtij sezoni kemi patur edhe shumë dëmtime: humbja e Sergio (Agueros) e më pas ajo e Marios nuk ishin aspak të lehta", u shpreh trajneri italian i kampionëve të Premier League. /albeu.com/