Mane sqaron sherrin me Salah në fund të ndeshjes
Sadio Mane këmbëngul se zënka mes tij me Mohamed Salah është harruar dy javë pas tërbimit të tij të egër në përfundim të një ndeshjeje të Liverpoolit.

Mane reagoi me zemërim ndaj Salah, pasi ky i fundit vendosi të gjuajë në portë në vend se t’ia pasojë topin atij në një rast të caktuar në fitoren e Liverpoolit 3-0 kundër Burnley më 31 gusht.

Pasi u zëvendësua, senegalezi e hodhi fanellën e stërvitjeve në tokë dhe bëri shfaqi tërbimin e tij para bashkëlojtarëve në stol, por tani dy javë më pas, ai këmbëngul se ky incident është harruar.

“Incidenti me Salah? Është harruar. Nganjëherë gjërat duhet të thuhen në fytyrë. Këto janë gjëra që ndodhin në futboll, nganjëherë ndodh që të mos ma pasojnë topin. Por ne jemi pajtuar dhe kemi bërë miq të mirë siç ishim më parë”, tha sulmuesi i Liverpoolit.
Shtuar më 16/09/2019, ora 09:44
Shkruani komentin tuaj!
Të fundit nga kjo kategori