Marrëdhënia Messi - Bartomeu, lajm i hidhur për tifozët e Barcelonës
Lionel Messi vazhdon të ketë probleme me presidentin e Barcelonës, Josep Maria Bartomeu.

Lionel Messi zhvilloi ndeshjen e parë me Barcelonën nën drejtimin e trajnerit të ri, Ronald Koeman.

Sulmuesi argjentinas shënoi dy gola në fitoren 3:1 në ndeshjen miqësore ndaj Gironas.

Ishte kjo paraqitja e tij e parë pas konfirmimit të vendimit për qëndrim në klub përkundër kërkesës fillestare për largim nga Camp Nou.

Megjithatë, problemet nuk kanë përfunduar.

"Mundo Deportivo" shkruan se Messi vazhdon të mos ketë fare kontakt me presidentin e Barcelonës, Josep Maria Bartomeu.

Ata nuk bisedojnë mes vete, as në fytyrë e as në telefon.

Një distancë fizike dhe emocionale që gjithnjë e më tepër sinjalizon lajme të këqija për tifozët e Barcelonës, në të ardhmen e sulmuesit Messi.
Shtuar më 17/09/2020, ora 11:15
Shkruani komentin tuaj!
Të fundit nga kjo kategori