Mauro Icardi zbulon të ardhmen e tij
Pëlqej
Mauro Icardi është i kënaqur për shifrat e 100 golave në Serie A, duke u bërë futbollisti i gjashtë më i ri që arrin këtë shifër.

“Të shënosh është shumë e rëndësishme, por misioni dhe krenaria ime është që jam kapiten i Inter. Jam tifoz i kësaj skuadre që kur isha fëmijë dhe dua të fitojë me këtë fanellë,” – deklaroi Icardi.

“Kam personalitetin për të qenë kapiten i Inter dhe jam krenar për gjithë këtë. Mbi të gjitha jam interist dhe ndihem i tillë,” – shtoi qendërsulmuesi me krenari.

“Për mua është shumë e rëndësishme të shënojë gola, por jam gati të pranoj në çdo fillim ndeshje fitoren e skuadrës. Pra nëse do të ndërroja fitoren me golat e mi, do ta bëja me kënaqësi.”

“Që kur isha i vogël i shihja ndeshjet e Inter si tifoz. Kur isha fëmijë dhe luaja me “playstation” gjithmonë merrja Interin. Luaja kundër shokut tim më të mirë dhe unë zgjidhja Inter sepse kishte si qendërsulmues Adrianon, i cili më pëlqente jashtëzakonisht shumë. Të gjithë e dinë që zikaltërit kanë qenë skuadra ime e zemrës. Shpresoj të bëj një rrugë të gjatë me këtë ekip. Kur të jem 40 vjeç do ta kem mbyllur karrierën.”

“Kam dëgjuar se unë kushtoj 110 milionë euro. Me merkaton e ditëve tona vlej më shumë se kaq. Por në klub e dinë atë që dua unë dhe janë të qetë për të ardhmen”, përfundon Icardi. /albeu.com/
Shtuar më 19/03/2018, ora 21:05
Shkruani komentin tuaj!
Të fundit nga kjo kategori