Mavraj flet për ndeshjen me Maqedoninë: Më shumë se futboll
Mërgim Mavraj mendon se ishin me fat pasi Kombëtarja shqiptare ktheu sfidën ndaj Lihtenshtejnit në favorin e saj falë golit të Roshit.

Mbrojtësi i përfaqësueses, para mikrofonit të “SuperSport” pranoi se Shqipëria nuk ishte shfaqur në maksimumin e saj në këtë duel, ndërsa priste me entuziazëm ndeshjen me Maqedoninë.

Për sfidën e parë të Panuçit

“Normalisht që sot, për ne mbrojtësit ishte një ndeshje e rehatshme, nuk kishim shumë punë. Kaluam një ndeshje të qetë. Trajneri i ri ndryshon gjëra, skema, për ndeshjen e parë nuk është dalluar që kemi punuar vetëm një javë bashkë. Na ka përgatitur shumë mirë, ata detyra që na ka dhënë i kemi përgatitur shumë mirë”

Për vështirësitë në ndeshje

“Besoj se asnjë ndeshje nuk është perfekte, pavarësisht rezultatit. Besoj se asnjë ndeshje nuk është e përsosur dhe ne si Shqipëri e vogël kemi gjithmonë gjëra për të përmirësuar. Në pjesën e parë ikrijuam vetes vështirësi duke e hapur lojën nga mbrojtja, jo me shpejtësi, por ngadalë. Normalisht që pastaj na mungonte hapësira në sulm.

Në pjesën e dytë edhe kundërshtari u lodh dhe na krijoi hapësira, goli i parë që shënuam ishte me fat, nuk ishte se luajtëm shumë mirë, por një goditje standarde. Por ndonjëherë edhe fati të duhet për të hapur lojën”.

Për vështirësinë e ndeshjes me Maqedoninë “Pika kyçe në këtë ndeshje është që luajmë në Maqedoni, për vëllezërit tonë që jetojnë në Maqedoni. Kjo nuk është thjesht një ndeshje futbolli, por ka rëndësi edhe nga zemra e njerëzve që na ndjekin. Besoj se atje do të jenë shumë shqiptarë që na përkrahin, nga ana ime më ka ngel hatri që nuk luajmë në Shkup. Por do të jemi edhe më të fortë, siç kemi qenë më herët”.

Për golin e Agollit

“Normalisht, ia urova golin, për mbrojtësit është e bukur kur shënon. Por isha i mërzitur edhe që nuk e bëra unë se kisha mundësi të mirë. Pastaj Ansi ka eksperiencë dhe më luti mua që të dal te intervistat”. /albeu.com/
Shtuar më 02/09/2017, ora 21:24
Shkruani komentin tuaj!
Të fundit nga kjo kategori