Ky sezon futbollistik në Europë ka qënë tejet i pasur me gola, sidomos Primera Division që po thyen rekordet e saj ndër vite me dyshen e ëndrrave Cristiano Ronaldo-Messi me 73 gola të shënuar gjithsej. Një sasi kaq e madhe golash sa duhen mbledhur golat e ligave të tjera në Europë dhe nuk mund të bëhen kaq. Portugezi deri tani ka shënuar deri tani 37 gola ndërsa Messi 36.

Në Angli mbretëron holandezi Robin Van Persie me 26 gola, i ndjekur nga sulmuesi i United, Wayne Rooney me 21 gola.

Në Serie A sulmuesi suedez i Milan, Zlatan Ibrahimoviç është golashënuesi më i mirë i momentit me 22 gola të shënuar i ndjekur nga Edinson Cavani dhe Toto Di Natale me nga 19 gola.

Në Gjermani vijon dueli në distancë mes Mario Gomez dhe Jan Klaas Huntelaar. Sulmuesi i Bayern Mynih ka shënuar 23 gola po aq sa edhe sulmuesi i Schalke 04.

Në Francë golashënues i momentit është sulmuesi i Montpellier dhe kombëtares transalpine Olivier Giroud me 19 gola i ndjekur nga talenti belg i Lille, Eden Hazard me 14 gola.

Në Liga Sagres në Portugali, sulmuesi brazilian i Sporting Braga, Lima kryeson me 19 gola dhe ndiqet nga paraguajani i Benfikës, Oscar Cardozo me një gol më pak.

Nëse vazhdohet me këtë ritëm, ky sezon në Europë do të jetë ndër më të pasurit me gola në të gjithë historinë e futbollit. /albeu.com/