Mediat në Egjipt i bëjnë "namin" Ramos-it, e quajnë kasap
Ndërhyrja që Sergi Ramos bëri ndaj Mohamed Salah vazhdon të debatohet shumë.

Ajo tërheqje krahu nga ana e Ramos, duket se ka qënë fatale për sulmuesin e Liverpool-it dhe me shumë gjasa do të bejë që të humbasë Botërorin.

Egjiptian, Salah është parë i fashuar në kthimin e tij në Angli, dhe në media flitet se do ti duhet disa muaj për tu rikuperuar.

Nga ana tjetër mediat në Egjipt, kanë sulmuar ashpër Sergio Ramos, duke e quajtur atë një kasap të vërtetë.

Gazeta “Al Masry al Youm” e ka përshkuar sesi “egjiptianët qanë kur kasapi Ramos ia nxori krahun Salahut”.

Njëlloj, gazeta “El Watan” e kritikoi ashpër kapitenin madrilen se “e goditi me qëllim Mo Salahun thjesht për ta nxjerrë nga loja”.

Ndërkohë, shumë media të tjera u përqendruan në pjesëmarrjen e tij në Kupën e Botës.

Ato janë optimiste se Salah do t’ia dalë të jetë pjesë e Botërorit, me “El Watan” që thotë se nevojitet vetëm një rikuperim dyjavor për rikthimin e Salahut. /albeu.com/


Shtuar më 27/05/2018, ora 15:59
Shkruani komentin tuaj!
Të fundit nga kjo kategori