Lionel Mesi është një nga sportistët më të paguar në botë. Ai përfiton në vit rreth 33 milionë euro, duke përfshirë këtu jo vetëm pagën e Barcelonës, por edhe të ardhurat nga reklamat. Por, në ndeshjen e sotme kundër Granadas, do të ketë një përballje me të vërtetë interesante, ose më saktë një kontrast të jashtëzakonshëm pagesash.


Tek ekipi i Granadas në pankinë do të jetë portieri Horge Sançez, i cili ka një pagë prej 100 eurosh në muaj. Një pagesë tepër simbolike, e cila ka vlerë sa për të nënkuptuar që ai është pjesë e klubit spanjoll. Gjithsesi, diferenca mes yllit argjentinas të Barcelonës dhe talentit 19-vjeçar është plot 30 mijë herë më e madhe.

“Për mua nuk ka rëndësi pagesa. Jam duke përjetuar një ëndërr, që jam pjesë e skuadrës së parë të Granadas. Kasijas, Valdes dhe Kanizares janë idhujt e mi. Shpresoj që një ditë të arrij në nivelin e tyre, gjithsesi mos e krahasoni pagën time me të Mesit, pasi besoj se atë kurrë nuk do ta arrij dot”, – tha Horge Sançez për median. /albeu.com/