Messi shpallet lojtari më i mirë i muajit në La Liga
Ylli i Barcelonës, Lionel Messi ka fituar çmimin për lojtarin më të mirë të muajit shtator në La Liga.

Sa i përket golave, për ta vërejtur ndikimin e argjentinasit në performancat dhe rezultatet e Barcelonës duhet të theksohet se gjysma e golave të shënuara nga katalonasit në këtë muaj janë shënuar nga Messi, transmeton Gazeta Express.

Barcelona e kishte filluar shtatorin në mënyrë të mrekullueshme, duke siguruar fitore me rezultat 8-2 kundër Huescas. Megjithatë, ata nuk e përfunduan në të njëjtën mënyrë, pasi nga tri ndeshjet e fundit, një e humbën, ndërsa dy i barazuan.

Sipas La Ligës, kapiteni i blaugranëve do ta marrë këtë çmim para ndeshjes kundër Sevillës këtë të shtunë në Camp Nou, në xhiron e nëntë të këtij sezoni të La Ligës.
Shtuar më 17/10/2018, ora 16:45
Shkruani komentin tuaj!
Të fundit nga kjo kategori