Trukimet në futboll duket që kanë nisur që herët, Michel Platini ka zbuluar një "hile" që është bërë në hedhjen e shortit të Kupës së botës "Francë 1998".

Ish-presidenti i UEFA pohoi se francezët u ndihmuan dhe nga hedhja e shortit.

“Kur organizuam kalendarin ne bëmë një hile, – tha Platini për “France Bleu Sport”. – Nëse ne do të fitonim grupin tonë dhe Brazili do të fitonte grupin e tij, atëherë nuk do të ndesheshim bashkë deri në finale.”

Franca ra në Grupin C, ndërsa Brazili në Grupin A dhe në momentin që të dyja ekipet dolën në vendin e parë, plani i vendasve u quajt i suksesshëm. /albeu.com/