Milan punon për të ardhmen, vijnë 3 mini-kampionë (FOTO LAJM)

Gianluigi Donnarumma
Milan po punon shumë për të ardhmen e klubit ndaj dhe po përpiqet të afrojë në skuadër elementë të rinj dhe të talentuar për merkaton e ardhshme. Sipas asaj që raporton "TuttoSport", klubi kuqezi e ka bërë goditjen e parë: bëhet fjalë për Gianluigi Donnarumma, portier i datëlindjes 1999, i konsideruar si një prej talenteve më të mëdhenj të futbollit italian.

Pasi u kërkua me ngulm nga Juventus dhe Inter, djaloshi kaloi te Milan për shumën e 250 mijë eurove nga Club Napoli Castellammare.

Shumë pranë Milanit duket edhe mbrojtësi kolumbian Jherson Vergara, futbollist i Universitario de Popayan, i datëlindjes 1994. Madje për Wikipedian ai është tashmë lojtar i "Djallit".

Por goditja e vërtetë pritet të jetë Simone Zaza, sulmuesi 22-vjeçar i Ascolit, një prej talenteve më në zë të Serie B. Lojtari është në pronësinë e Sampdorias por Milan po punon që ta marrë kartonin e plotë të tij. /albeu.com/
Shtuar më 17/04/2013, ora 12:17
Shkruani komentin tuaj!
Të fundit nga kjo kategori