Milani i Gennaro Gattusos ka arritur të marrë një fitore me rezultatin 3-2 kundër Sampdorias, pas dy humbjeve radhazi.

Fillimisht Milani e kishte marrë epërsinë, që në minutën e 17', kur Patrick Cutrone kishte shënuar golin e parë të ndeshjen.

Vetëm katër minuta më vonë ishte barazuar gjithçka me golin e Riccardo Saponaras.

Dhjetë minuta më pas Sampdoria përmbysi rezultattin me golin e sulmuesit, Fabio Quagliarella.

Megjithatë, kjo pjesë e parë nuk përfundoi me kaq pasi Gonzalo Higuain arriti ta shënojë golin e barazimit nëntë minuta para se të mbyllej pjesa e parë.

Pjesa e dytë nuk pati kaq shumë gola pasi që asnjëra nga ekipet nuk arriti të krijojë shumë raste. Por, Milani u tregua më i rrezikshëm me Suson që arriti t'i sigurojë fitoren skuadrës së tij.

Pas kësaj fitoreje Milani renditet në vendin e 7 me 15 pikë po aq sa edhe Sampdoria. /albeu.com/