Miqësore Tirana-Juventus, zyrtari i Tiranës jep detaje për ndeshjen
Zyrtari i Tiranës Mario Nikolli ishte në një lidhje direkte me emisionin Gol pas Goli” në Supersport, ku ndër të tjera zbuloi se është kontaktuar klubi i Juventusit për një miqësore me rastin e festimeve të 100-vjetorit të bardhebluve.

“Me Juventusin ka pasur kontakte, por nuk mund të them asgjë më shumë për momentin. Është disi situatë e vështirë, pas ndeshjet e kampionatit janë shtyrë të gjitha për në verë, por të shohim si do shkojnë punët”, deklaroi Nikolli.

Ai ka mbajtur një rol të ngjashëm edhe në klubin e Skënderbeut, në vitet e arta për korçarët, ndërsa në FanZone kujtoi me nostalgji punën në atë skuadër.

“Te Skënderbeu kam kaluar shumë mirë dhe isha i lumtur, pasi ishte një ambient shumë i mirë. Të gjithë e dinë se sa bukur ishte të ishe pjesë e Skënderbeut, ku çdo gjë ishte shumë e mirë. Unë kisha çdo kontakt me UEFA-n aty dhe kam mësuar shumë te bardhekuqtë”, tha zyrtari I Tiranës.
Shtuar më 08/04/2020, ora 17:20
Shkruani komentin tuaj!
Të fundit nga kjo kategori