Moto GP, Lorenzo rekord në pistën japoneze
Spanjolli i “Yamaha”, Jorge Lorenzo ka qenë piloti më i shpejtë në cirkuitin e Motegit, në provat zyrtare për Çmimin e Madh të Japonisë. Ai ka shënuar një rekord të ri në pistën japoneze, duke regjistruar kohën 1.44.969.

Ndërsa Dani Pedrosa me motorrin e tij “honda” do të niset përkrah Lorenzos nga pozicioni i dytë. Vonesa e tij ndaj rivalit të botërorit ka qenë vetëm 0.246 sekonda. Vendi i tretë i takon pilotit me “Yamaha” private, anglezit Cal Cruthclow, ndërsa për “Ducatin” e Valentino Rossi ka qenë “i lirë” vetëm vendi i nëntë.

Koha e italianit ka qenë 1.007 sekonda më shumë se ajo e Lorenzo dhe konfirmon nivelin e dobët të “Ducatit” në këtë sezon, që sheh ndër të tjera shokun e Valentinos, Nicky Hayden në pozicionin e dhjetë. Australiani me “Honda” Casey Stoner do të nisë garën nga vendi i shtatë. /albeu.com/
Shtuar më 13/10/2012, ora 12:49
Shkruani komentin tuaj!
Të fundit nga kjo kategori