Moto GP, "The Doctor" premton spektakël
Pëlqej
Abonohuni për lajmet sportive me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Në një intervistë të dhënë për website-n zyrtar të Moto GP, e të pasqyruar në revistën Dainese Legends, Valentino Rossi shpreh bindjen se sezonin e ardhshëm do të argëtohet sërish si dikur.

Në fakt dy vitet e fundit për “Doktorin” nuk kanë qenë aspak të lehtë pas problemeve të shumta që përjetoi me Ducati-n, gjithsesi në këtë intervistë 33-vjecari italian shfaqi hapur dëshirën për t’u rikthyer te fitoret.

Fitorja është si droga deklaroi Rossi, që në vazhdim konfirmoi sërish raportin aspak miqësor me australianin Casey Stoner. Casey nuk e gëlltiti kurrë poshtërimin në Laguna Secca dhe sipas Valentino-s që nga ai moment Stoner nuk ka bërë gjë tjetër përvecse të flasë për të ose t’I referohet pikërisht duelit të vitit 2008, në Shtetet e Bashkuara.

Për Rossi-n Stoner asokohe nuk ishte I pjekur sa duhet për ta administruar atë humbje, sidoqoftë Valentino foli hapur edhe për dietën e fortë dhe regjimin e rreptë të cilit i nënshtrohën ditëve të sotshme pilotët.

Për Rossi-n gjërat kanë ndryshuar ndjeshëm dhe kohët e fundit pilotët zhvillojnë stërvitje intensive, megjithatë pavarësisht kësaj mungon kurajo në pistë dhe në duele të drejtpërdrejta dhe për italianin ky sport tashmë është bërë shumë serioz duke i hequr atë kënaqësi që ekzistonte dikur.

Valentino theksoi se është shumë e rëndësishme që në pistë të ketë argëtim, ndërsa ditëve të sotshme gjërat kanë ndryshuar aq shumë sa pilotët nuk bëjnë më një jetë normale. 33-vjecari shjegoi gjithashtu emocionet që vazhdon të përjetojë në momentin e startit kur italiani pranon se niveli I përqëndrimit arrin shkallën maksimale dhe adrenalina e dërgon në një tjetër dimension.

"Shija e fitores është krejt ndryshe nga gjërat e tjera dhe është edhe arsyeja përse vazhdoj të garoj ende", por për fat të keq shton Vale zgjat vetëm 3 ose 4 orë dhe ditën tjetër ke nevojë sërish për një tjetër", përfundoi fjalën e tij Rossi që suksesin e fundit e ka arritur në Malajzi, në pistën e Sepang-ut pikërisht me Yamaha, në tetor të vitit 2010.

Valentino Rossi vazhdon të mbetet një ndër pilotët më të dashur në qarkullim dhe këtë e konfirmon më së miri edhe adresa e tij në Twitter, ku 9 herë kampioni i botës pavarësisht se është i pranishëm prej vetëm 13 muajsh në këtë rrjet social tashmë numëron 1,5 mln fansa, shifër që është më e larta përsa i përket pilotëve në botën e motorsportit dhe pothuajse sa dyfishi i numrit të ndjekësve të Lorenzo-s, që numëron 650.000 të tillë. /albeu.com/
Shtuar më 12/12/2012, ora 18:45
Shkruani komentin tuaj!
Të fundit nga kjo kategori
 
A duhet të largohen futbollistët nga Kosova nga Kombëtarja e Shqipërisë pas formimit të Kombëtares së Kosovës?
50.48 %
45.35 %
4.15 %
Total 8414 Vota!
 

Kampionatet