Mourinho i vendosur: E duam Pogban para fillimit të Premierligës
Jose Mourinho këmbëngul duke thënë se Manchester Unitedi është “duke bërë gjithçka” që të transferojë Paul Pogban nga Juventusi para fillimit të Premierligës

Mesfushori francez i Juventusit, Paul Pogba, pritet të transferohet te ‘Djajtë e Kuq’ për një shumë rekorde 120 milionë euro.

Duke folur para finales së Superkupës së Anglisë ndaj Leicester City, trajneri i Manchester Unitedit, Jose Mourinho, bëri të ditur se klubi është duke tentuar që të transferojë Pogban para fillimit të Premierligës.

“Nuk më pëlqen që të flas për lojtarët e klubeve tjera. Trajnerët tjerë e bëjnë një gjë të tillë. Ata flasin për klubin tim, për lojtarët e mi. Pogba është lojtar i Juventusit përderisa ende nuk ka asgjë zyrtare”, është shprehur Mourinho.

“Afati i transferimeve mbyllet me 31 gusht, por klubi im është duke bërë gjithçka për ta mbyllur atë me 14 gusht”, ka thënë më tej portugezi, i cili la të kuptohet se shumë shpejt Pogba do të transferohet te klubi nga ‘Old Trafford’. /Albeu.com/
Shtuar më 05/08/2016, ora 19:07
Shkruani komentin tuaj!
Të fundit nga kjo kategori