"I kam thënë dy herë jo PSG-së". Jose Mourinho, teknik i Chelsea-t, zbulon një prapaskenë merkatoje. "Isha opsioni i parë para se drejtuesit të zgjidhnin Carlo Ancelottin. Pastaj pas largimit të Ancelottit më kërkuan para se të vinte Blanc", ka thënë portugezi për "Telefoot".


"Mendoj se të jesh kampion i Francës me PSG-në nuk është ndonjë gjë kushedi, por të jesh kampion i Anglisë do të jetë fantastike për të gjithë. E vlerësoj shumë faktin që më kontaktuan, por në fillim isha te Reali dhe më pas duhej të kthehesha te Chelsea", është shprehur Jose Mourinho. /albeu.com/