Samir Nasri është në prag të largimit nga Arsenali pas mosmarrëveshjeve të tij të fundit me trajnerin e tij francez Arsene Wenger. Ky i fundit spekulohet prej kohësh se do të largohet.

Mesfushori francez mbeti në shtëpi të premten, kur klubi udhëtoi drejt Portugalisë për miqësoren kundër Benficas.

Sipas të përditshmes angleze Daily Mail, Nasri është shumë pranë shitjes në Manchester City për 30 milion euro.

Për mesfushorin francez Nasri thuhet se ishte grindur me Arsene Wengerin gjatë kthimit nga turneu përgatitor në Azi javën e kaluar. Marrëdhëniet e tyre janë përkeqësuar si kurrë më parë. /albeu.com/