Portieri i kombëtares së Gjermanisë, Manuel Neuer ka kritikuar sulmuesit për rastet e shumta që humbin para portës. Ndër të tjera ai tha se skuadra i ka premtuar trajnerit Lëv se do ta përmbysin këtë situatë të rëndë pasi kanë fituar vetëm tre ndeshje në 12 takimet e fundit.

“Kemi krijuar shumë raste për gol. Kishim mjaftueshëm për të shënuar dy apo tre gola. Më pas pësuam dy gola në fund. Nuk e di nëse lojtarët ndihen të pasigurt. Ajo është një pyetje që duhet t’i pyetet secilit. Të gjithë I’a bëmë të qartë trajnerit se jemi gati për sfidën. Kur humbet ndeshje, patjetër që do të kritikohesh nga publiku. Por gjërat mund të kishin shkuar shumë ndryshe”, tha Neuer. /albeu.com/