"Neymar do të pleqëroje tek PSG nëse nuk ndodh kjo"
Presidenti i La Ligës, Javier Tebas, e ka paralajmëruar Neymarin se ai do të detyrohet ta mbyllë karrierën në Paris Saint-Germainin nëse nuk ulet çmimi i tij dhe nëse edhe ai vetë s’i ul kërkesat e tij.

Talenti brazilian ishte përfolur për një rikthim të mundshëm në Spanjë, gjë e cila nuk u përmbyll dot.

Tebas insistoi edhe një herë se kthimi i Neymarit në La Liga nuk është i nevojshëm për Federatën e Futbollit të Spanjës dhe ai paralajmëroi se Neymari mund të mos e sigurojë fare një transferim për shkak të kërkesave të tij dhe të klubit.

“Është gjithmonë e rëndësishme të kesh lojtarë të mirë për ta ngritur nivelin e La Ligës, mirëpo ai nuk është i nevojshëm”, u shpreh Tebas në kongresin e Soçerex Europe në Lisbonë.

Nëse Neymari vjen, mirë. Nëse Neymari nuk vjen, nuk e shoh atë si të nevojshëm pasi që ne mund të rritemi”.

“Sa i përket tregut, Neymari do të pensionohet në PSG nëse ai nuk i ul kërkesat e tij për pagë dhe nuk ulet çmimi i tij”.

Neymari nuk ka luajtur në asnjë ndeshje të Paris Saint-Germainit që nga maji, fillimisht për shkak të një lëndimi dhe pastaj për shkak të dyshimeve për të ardhmen e tij.
Shtuar më 06/09/2019, ora 10:25
Shkruani komentin tuaj!
Të fundit nga kjo kategori