Nga Shqipëria, te Chelsea dhe e vërteta ndryshe! Shpjegimi për festimin me shqiponjë të Haland (VIDEO)
Erling Haland është rikthyer për t’i dhënë buzëqeshjen e munguar Dortmundit.

Sulmuesi norvegjez do të shënonte dy gola në fitoren e fundit që u arrit në shifrat 1-3 ndaj Leipzig, atje ku për Dortmundin ishte një ndeshje delikate që duhej fituar.

Në golin e dytë kur Haland dërgoi topin në rrjetë ka nisur menjëherë që të festojë me shqiponjë, duke lënë meditimin që është simbolizon këtë sulmues. Në median gjermane “Derwesten.de” kanë shpjeguar edhe arsyen e festimit duke saktësuar:

“Megjithëse e keni parë si simbol të Shqipërisë, te Granit Xhaka, Xherdan Shaqiri dhe Shkodran Mustafi, këtë herë nuk ka lidhje me Shqipërinë. Haland festoi me shqiponjë për t’ia dedikuar golin Axel Witsel që u dëmtua gjatë ndeshjes me Leipzig dhe që feston po kështu”. Në përfundimin e takimit nuk u ndalën edhe hipotezat për t’i dhënë shpjegim bashkimit të duarve të Haland, duke thënë se mund të ishte edhe një sinjal për transferimin te Chelsea, për ta konsideruar veten si një “Anelka të ri”.

/Sport Ekspres/

Shtuar më 11/01/2021, ora 16:29
Shkruani komentin tuaj!
Të fundit nga kjo kategori