Meta kërcënon me prerje dore Kryemadhin, Bashën e Edi Ramën: Do e bëj unë!
Operacioni në këmbë, Federer tërhiqet nga turneu "Australian Open 2021"
federer 1234
Roger Federer duket se nuk do mund të paraqitet në turneun e "Aurstralian Open" pas operacionit që ka pasur në këmbën e tij.

Kampioni 20 fishtë nuk ka luajtur në një turne që nga arritja në gjysmëfinale në "Australian Open 2020" pasi bëri një operacion artroskopik në gjurin e tij të djathtë.

"Në fund Roger nuk ia doli të jetë gati për një Grand Slam dhe ai është shumë i zhgënjyer që nuk do të vijë në Melburn në vitin 2021," tha drejtori i turneut "Australian Open" Craig Tiley.

"Ne i urojmë të gjitha të mirat ndërsa përgatitet për rikthimin e tij më vonë gjatë vitit dhe mezi presim ta shohim atë në Melburn më 2022."

Më parë në dhjetor, Federer tha në "Swiss Sport Awards" se shërimi i tij nga operacioni i gjurit kishte zgjatur më shumë sesa pritej dhe ishte i pasigurt se ai do të ishte gati për Grand Slamin e parë të tenisit në sezonin 2021.

"Do të kisha shpresuar se do të isha 100% në tetor. Por ende nuk jam sot. Do të jetë vështirë për Australian Open," citoi media lokale Federerin të thoshte pasi u emërua atleti më i mirë i Zvicrës në 70 vitet e fundit në ceremoninë e ndarjes së çmimeve.

"Shpresoj se do të ketë diçka për të parë me mua vitin e ardhshëm. Nëse jo, atëherë kjo është një pikë e pabesueshme përfundimtare."

39-vjeçari u rikuperua nga një dëmtim në gju në vitin 2016, duke u kthyer për të fituar dy Grand Slam.

Australian Open është planifikuar të fillojë më 8 Shkurt 2021.
Shtuar më 28/12/2020, ora 10:51
Shkruani komentin tuaj!
Të fundit nga kjo kategori