Partizani 26 fitore më shumë se Tirana, ja statistikat që duhet të dini për derbin e kryeqytetit
Stadiumi “Air Albania” pritet të mbushet në derbin e kryeqytetit mes Partizanit dhe Tiranës e vlefshme për javë e 15-të në Kategorinë Superiore.

Mund ta konsiderojmë si derbin e rekordeve pasi stadiumi i ri Kombëtar pritet të jetë i tejmbushur me tifozë.

"Panorama sport" ka publikuar statistikat e derbit të 155 në histori:


NDESHJET – 154 takime janë luajtur deri tani mes Partizanit dhe Tiranës nga viti 1947-2018 në të gjitha kompeticionet: Kupë dhe kampionat.

BILANCI – Partizani ka fituar më shumë se Tirana në derbi, plot 66 ndeshje, ndërsa bardheblutë numërojnë vetëm 40 fitore. 48 ndeshje të tjera kanë përfunduar në barazim.

GOLAVARAZHI – 217 gola ka shënuar skuadra e kuqe, përkundrejt 167 të bardhebluve. Golat e fundit në derbi, Melo dhe Solomon shënuan për të kuqtë dhe Edon Hasani për bardheblutë, në përballjen e 29 shtatorit 2019.

DIFERENCA – 20 ndeshjet e fundit mes këtyre dy skuadrave kanë përfunduar me këto rezultate: 12/10/13 Partizani-Tirana 1-0 (kampionat); 07/02/14 Tirana-Partizani 1-0 (kampionat), 22/03/14 PartizaniTirana 1-1 (kampionat); 26/09/14 Tirana-Partizani 0-0 (kampionat); 08/12/14 Partizani-Tirana 2-0 (kampionat); 13/03/15 Tirana-Partizani 1-2 (kampionat); 04/05/15 Partizani-Tirana 2-2 (kampionat); 03/10/15 Partizani- Tirana 1-0 (kampionat); 07/12/15 Tirana-Partizani 0-0(kampionat); 04/03/16 Partizani- Tirana 2-0 (kampionat);04/05/16 Tirana-Partizani 2-2; 25/09/16 Partizani-Tirana 0-0 (kampionat);01-02/ 12/17 Tirana-Partizani 0-0 (kampionat);20/02/17 Partizani-Tirana 2- 1; 28/04/17 Tirana-Partizani 1-2 (kampionat); 28/09/18 Tirana-Partizani 0-1 (kampionat); 30/11/2018 Partizani-Tirana 2-1 (kampionat); 01/03/19 Tirana-Partizani 0-0 (kampionat); 12/05/19 Partizani-Tirana 2-1 (kampionat); 29/09/19 Tirana-Partizani 1-2 (kampionat);

HISTORIA – Takimi i parë mes Tiranës dhe Partizanit është luajtur më 30 mars 1947. “Demat e kuq” fitonin 8-0, duke sigluar kështu edhe fitoren më të thellë deri tani në derbi.

SHPAGIMI – Sakaq, më 22 shtator 1985, Tirana do t’i kthente reston Partizanit, të cilin e mundi 7-3, në një ndeshje që mbahet mend nga tifozët e të dyja skuadrave për lojën e bukur.

REZULTATI – Barazimi 2-2 është edhe rezultati që është sigluar më së shumti në ndeshjet derbi mes Partizanit dhe Tiranës, plot 29 herë në 48 barazime.
Shtuar më 13/12/2019, ora 17:38
Shkruani komentin tuaj!
Të fundit nga kjo kategori