Lajme të këqija nga Spanjë për Juventusin përsa i përket Alvaro Moratas. Presidenti i Real Madrid Florentino Perez, në një intervistë dhënë për "Cadena Ser", ka mbyllur derën e transferimit të spanjollit te kampionët e Italisë.

"Jam mik i drejtuesve të Juventusit, por nuk kemi folur. Mundësia që Alvaro të veshë fanellën bardhezi është e barabartë me 0", është shprehur numri një i "Los Blancos".

Bardhezinjtë po punojnë prej disa javësh tashmë që të afrojnë spanjollin në skuadër me këtë të fundit që e ka pranuar vetë dëshirën për tu transferuar në Torino, por deklarata e Perez stopon gjithçka. /albeu.com/