Presidenti i Real Madridit, Florentino Perez është duke planifikuar një tansferim të problematikut të Manchester Cityt, sulmuesi Carloz Tevez. Ky i fundit kërkohet me ngulm nga Interi.

Perez dëshiron të transferojë një anësor këtë verë dhe El Mundo Deportivo thotë se Tevez është prioritet i presidentit të Realit.

Në listën e tij është qendër-sulmuesi i Athletic Bilbao, Fernando Llorente dhe ai i Atletico Madrid, Sergio Aguero, por Tevez mbetet shënjestra numër 1.

Edhe Inter është i interesuar për Tevez, por Real Madrid ka përparësi pasi që ka bisedimet e hapura me Manchester Cityn, mbi huazimin e sulmuesit të tyre, Emmanuel Adebayor. /albeu.com/