E përditshmja gjermane "Bild" konfirmon se skuadra e Borussia Dortmund ka mbyllur marrëveshjen për blerjen e anësorit të majtë Nico Schulz. Lojtari aktivizohet në Bundesliga me skuadrën e Hoffenheim.

26-vjeçari është aktivizuar së fundi edhe me kombëtaren gjermane, duke shkëlqyer. Në 6 ndeshje ai ka realizuar dy gola me fanellën e kombëtares. Ndërkohë që, me Hoffenheim luan prej dy sezonesh, ku në 51 ndeshje ka realizuar 2 gola.

Skuadra e Borussia ka rënë dakord të paguajë klauzolën prej 28 milionë eurosh për talentin e kombëtares gjermane. Një përforcim që konasiderohet i rëndësishëm për skuadrën e trajnerit Favre për sezonin e ardhshëm. /albeu.com/