Gerard Pique beson se Lionel Messi do të vazhdojë të qëndrojë te Barcelona, edhe pas verës së vitit 2021.

Argjentinasi ishte pranë largimit nga ‘Camp Nou’ në verën e fundit, por iu pamundësua largimi shkaku i klauzolës në kontratën e tij.

Sidoqoftë, askush nuk e di se çfarë do të sjellë vera e vitit të ardhshëm, me shumë ndryshime që priten të ndodhin te Barcelona, duke filluar nga drejtuesit e klubit.

"Të gjithë duam që Messi të qëndrojë, por nuk jam i sigurt. Vetëm Leo e di përgjigjen, duhet ta pyesni atë. Derisa ai është këtu me ne, ka shpresë. Shpresoj se mund ta bindim atë", ka deklaruar Pique.

Pique tutje ka folur edhe për largimin e Luis Suarez, duke thënë se ndjehet shumë keq që nuk e ka në skuadër atë.