Pirlo mund të bëhet trajner i Juventusit?
Raportohet se Andrea Pirlo është në bisedime me Juventusin për t’u bërë trajner i skuadrës nën 23 vjeç.

Sipas Corriere della Sera, Zonja e Vjetër ka shprehur dëshirën që legjenda italiane të marr drejtimin e skuadrës rezervë për sezonin e ri.

Ish-mesfushorin i Bianconerëve aktualisht është analist në Sky Sport Italian, por ka licencën për t’u bërë trajner.

Aktualisht trajner i Juve U23 është Mauro Zironcelli, por ai nuk i ka bindur kryesinë e klubit nga Torino.

Skuadra e tij aktualisht renditet në vendin e 12-të më 29 pikë, ndërsa në pesë ndeshjet e fundit ka dy humbje, dy fitore dhe një barazim.

Pirlo luajti për Zonjën e Vjetër për katër sezone, gjatë kësaj kohe fitoi katër Scudetto, dy Superkupa të Italisë dhe një Kupë të Italisë.

Ai në ta kaluarën ishte pjesë edhe skuadrave nga Milano, Inter dhe Milan.
Shtuar më 04/03/2019, ora 15:31
Shkruani komentin tuaj!
Të fundit nga kjo kategori