PSG mer masat në rast largimi të Neymar
Në rast se Neymar do të largohet nga skuadra e PSG-së, atëherë kampionët e Francës do të sjellin në Paris kampionin e botës Antoine Griezmann. Lajmin e ka konfirmuar sot e përditshmja spanjolle "AS", sipas së cilës PSG është gati të paguajë çdo shumë tek Atletico Madrid për të marrë sulmuesin 27-vjeçar.

Griezmann vlen rreth 200 milionë euro, shumë që PSG-ja do të sigurojë nga shitja e Neymar, nëse braziliani vendos të largohet për te Real Madrid, siç është përfolur kohët e fundit. Presidenti i PSG-së, Nasser Al Khelaifi, synon që të formojë te kampionët e Francës dyshen e sulmit të kombëtares franceze, Mbappe-Griezmann.

Pra, verën e ardhshme, mund të jenë sulmuesit ata që do të dominojnë merkaton, me çmime marramendëse që mund të qarkullojnë. Griezmann luan me skuadrën e Atletico Madrid që prej vitit 2014, ku ka realizuar 91 gola në 171 ndeshje. /albeu.com/



Shtuar më 18/03/2019, ora 20:10
Shkruani komentin tuaj!
Të fundit nga kjo kategori