Ranieri rikthehet me fitore te Roma (VIDEO)
Roma ka fituar 2-1 ndaj Empolit në rikthimin e Claudio Ranieri-t. Me këtë rezultat, “Ujqërit” kanë shkuar në kuotën e 47 pikëve, tre më pak se Inter i vendit të katërt.

Vendasit e nisën shumë mirë sfidën, duke gjetur golin e avantazhit me El Shaarawy që në minutën e 9’.

Ky ishte goli i nëntë i lojtarit këtë sezon në Serie A, vetëm në sezonin 2012/13 me Milan (16 gola) ai ka shënuar më shumë gola.

Megjithatë, autogoli i Juan Jesus vetëm tre minuta më pas ka barazuar gjithçka. Patrik Schick ka rikthyer avantazhin për kryeqytetasit pak përpara fundit të pjesës së parë.
Pas pushimit, sfida ishte e hapur dhe u vështirësua shumë në dhjetë minutat e fundit. Florenzi mori kartonin e dytë të verdhë ndërsa autori i golit të dytë, Schick, duhet të linte fushën i dëmtuar.

Dhe në minutën e 88’ Empoli shënoi një gol që u duk i rregullt, por VAR e anuloi. Një tjetër vendim i dyshimtë i teknologjisë. Emboli u mundua të bënte diçka në minutat e mbetura, por vendasit e ruajtën avantazhin e ngushtë deri në fund. /albeu.com/

Shtuar më 11/03/2019, ora 22:34
Shkruani komentin tuaj!
Të fundit nga kjo kategori