Real Madrid dhe dëshira për De Gean, ja si paraqitet situata për arritjen e marrëveshjes
Pëlqej
Real Madrid rikthen vëmendjen tek portieri i Manchester United David De Gea, për të cilin po përgatitet të ofrojë 63 milion paund në merkaton e verës. 27-vjeçari ishte shumë afer transferimit tek gjigandët spanjollë në gushtin e 2015-ës,por Los Blancos nuk mundën të përfitonin shërbimet e futbollistit për arsye burokratike.

Për madrilenët duket se është domosdoshmeri një portier i ri duke marrë parasysh se Keylor Navas nuk po bën paraqitje fort të mira në këtë sezon. Nga ana tjetër nuk mund të thuhet me siguri nëse kjo transfertë e dëshiruar nga klubi i Perezit mund të realizohet,sepse është e ditur tashmë që trajneri i Manchester United, Jose Mourinho nuk parapëlqen t’i shese lojtarët me potencial që ka në skuader. Megjithatë mundesitë per t’a joshur portugezin janë të mëdha nëse skuadra kryeqytetase ofron në shkëmbim Bale dhe Varane,të cilët janë shënjestruar nga 54 vjeçari.

Kontrata aktuale e numrit një me “Djajtë e Kuq” përfundon në Vitin 2019, por klubi anglez ka mundesi të zgjasë afatin e marrëveshjes me një vit më shumë, pasi në kontratë është përfshirë opsioni i rinovimit. Megjithatë deri në merkaton e verës çdo gjë mund te ndodhë. Vlen për t’u permendur se De Gea eshte në formë të jashtëzakonshme këtë sezon dhe kjo pasqyrohet edhe ne 12 ndeshjet ne Premier Lige, ku në 8 prej tyre,iberiku e ka ruajtur porten te paprekur. /Albeu.com/
Shtuar më 22/11/2017, ora 09:17

Shkruani komentin tuaj!
Të fundit nga kjo kategori