"La Gazzetta dello Sport" i jep një hapësirë të konsiderueshme rekordit të Zlatan Ibrahimoviç me fanellën e kombëtares suedeze. Ylli i Paris Saint Germain, me një të kaluar fitimtare edhe te Milani, në intervistën e sotme ka falenderuar dy personat që e kanë frymëzuar të jetë super-bomberi i sotëm.

"E dija që do e thyeja këtë rekord, e meritoj. E përgatitja fanellën disa ditë para ndeshjes. Do mbetet një prej kujtimeve më të bukura. Duhet të falenderoj Fabio Capellon nëse jam ky bomber sot. Gjatë periudhës te Juventus më mësonte duke më treguar videot e Van Basten. Që prej atij momenti nisa të shënoj më shumë", shprehet Ibra.

Goli më i bukur? "Biçikleta kundër Anglisë", përfundoi Zlatan Ibrahimoviç. /albeu.com/