Revolucion “Milan”: Tevez, Balotelli, Kaka dhe...
Në shtëpinë e Milanit bëhen gati për revolucion. Galliani e ka seriozisht kësaj rradhe dhe ka marrë ok-in e Berlusconit për të bërë atë që atij i duket më e mira për klubin.

Sipas asaj që raporton "Corriere dello Sport", gjithçka rrotullohet rreth mos lejimit të largimit të Patos te PSG, akord që u prish nga vetë numri 1 i Milanit. Ancelotti është i gatshëm të ofrojë 27 milionë euro plus bonuse për brazilianin dhe me lekët e fituara nga ai dhe jo vetëm Milan mendon të bëjë lëvizje të mëdha në merkaton e verës.

Tevez mbetet prioritet por pa harruar "ëndrrën" Balotelli. Me disa forco ekonomike dhe me ndihmën e agjentit të tij Mino Raiola më në fund mund të rikthehet në Milano.

Pas tij vjen Ricardo Kaka, nostalgjia e tifozëve kuqezinjë. Brazilianit i mbetet të bindë Mourinho për ndryshe një rikthim i tij në San Siro nuk përbën ndonjë habi të madhe.

Por Milan duhet të mendojë edhe për bomberin suedez Ibrahimoviç. Agjenti i tij Raiola disa ditë më parë foli për rritje rroge për klientin e tij për ndryshe do të punojë që ti gjejë një klub tjetër. Por Milan dhe vetë lojtari kanë shprehur dëshirën që Ibra ta përfundojë karrierën te Milan.

Asgjë nuk është e sigurtë por ajo që pritet të ndodhë në verë në shtëpinë e Milanit do të jetë një revolucion i vërtetë. /albeu.com/
Shtuar më 03/02/2012, ora 09:37
Shkruani komentin tuaj!
Të fundit nga kjo kategori