Robinjo mohon akuzat për përdhunimin e një shqiptareje: Pendohem vetëm që tradhëtova gruan
Çështja e përdhunimit të Robinjos është rikthyer sërish në skenë pas plot shtatë viteve.

Kjo ngjarje është ende në proçes pasi fillimisht braziliani është dënuar me nëntë vite burg nga një Gjykatë në Milano, por futbollisti vazhdon betejën ligjore për të fituar pafajësinë e tij.

E gjitha erdhi sërish në vëmendje pasi Robinjo firmosi me Santos, por më pas sponsorat e klubit brazilian kërkuan largimin e sulmuesit si një imazh negativ.

Mirëpo, Robinjo së fundmi ka deklaruar sërish se vajzën e cila ka ngritur akuzat dhe që është shqiptare, nuk e ka përdhunuar, megjithatë e pranon se ka pasur kontakte me të në mënyrë konsensuale.

“ Një vajzë mu afrua dhe po nisëm të kishim kontakt, por ishte në mënyrë konsensuale. Më pas unë shkova në shtëpi. Ajo qëndroi së bashku me disa shokët e mi, por kishin marrëdhënie me të në mënyrë sërish konsensuale. Megjithatë, nuk mund të flas unë për ta. Kur vajza u afrua me mua, nuk ishte e dehur. Sepse ajo mban mend emrin tim dhe se kush jam unë.

Një person i pirë nuk mban mend asgjë. Ndërsa, ajo i kujton të gjitha. Unë pendohem që kam tradhëtuar gruan time, Kam ndryshuar shumë gjatë këtyre viteve. Kjo ka ndodhur në 2013 dhe kam ndryshuar për mirë. Pyetja ime është se çfarë kam bërë unë, kush është krimi im? Gabimi është që nuk isha besnik ndaj gruas, por nuk kam bërë asnjë gabim si përdhunimi i ndonjë vajze apo të kem dalë me ndonjë vajzë pa miratimin e saj”, u shpreh Robinjo.
Shtuar më 19/10/2020, ora 16:23
Shkruani komentin tuaj!
Të fundit nga kjo kategori